Natijalar — BioGKCning ilk yutuqlari
BioGKC loyihasi amalga oshirilganidan buyon bir nechta muhim
natijalarga erishildi. Bu natijalar loyihaning samaradorligi va
jamiyat uchun foydali ekanini ko‘rsatmoqda:
1. Respublika miqyosidagi g‘oliblik
"Mirzo Ulug‘bek vorislari" tanlovida BioRefiner loyihasi bilan
qatnashilib, respublika bosqichida g‘oliblik qo‘lga kiritildi.
Loyihaning ikkinchi bosqichi – BioGKC – sifatida kengaytirilib, ekologik
va ijtimoiy jihatdan muhim yo‘nalishlar belgilandi.
2. Kompost ishlab chiqarish boshlangan
Ilk bosqichda 200+ kg tabiiy chiqindilar qayta ishlanib, biokompost
tayyorlandi.
Presslangan kompost bo‘laklariga urug‘lar qo‘shilib, sho‘rlangan yerda
test ekinlari muvaffaqiyatli unib chiqdi.
3. Hamkorlar va ko‘ngillilar soni ortdi
Mahalliy maktablar, yoshlar markazlari va ijtimoiy tarmoqlarda 500 dan
ortiq shaxslar ekologik tashabbuslarni qo‘llab-quvvatladi.
Hududiy tashkilotlar bilan kelishuvlar yo‘lga qo‘yildi.
4. Axborot resurslari yaratildi
Telegram, Instagram va Linktree orqali loyiha faoliyati keng
yoritilmoqda.
Ekologiya va chiqindilarni saralash bo‘yicha 3 ta video-rolik va 2 ta
risola tayyorlandi.
5. Yangi tizimlar sinovdan o‘tkazildi
Restoran va xonadonlar uchun chiqindi idishlari prototiplari ishlab
chiqildi.
Haftalik chiqindi yig‘ish jadvali asosida sinov tizimi joriy etildi.